VIDEO EDITING TIPS AND TRICKS : CHAPTER 01

VIDEO EDITING TIPS AND TRICKS : CHAPTER 01

“വീഡിയോ എഡിറ്റിംഗിന് നൂതനവും വേഗതയേറിയതുമായ ഒരു കമ്പ്യൂട്ടർ ഉപയോഗിക്കണം എന്നത് ഒരു പ്രാഥമിക വിഷയമാണ്...!”

...

വീഡിയോ എഡിറ്റേർസ് ഉപയോഗിക്കേണ്ട കംപ്യുട്ടറിനെക്കുറിച്ച് "VIDEO EDITING TIPS AND TRICKS" എന്ന ഈ SERIES ന്റെ ആദ്യത്തിൽ ഘട്ടത്തിൽ തന്നെ പറയേണ്ടതുണ്ട്.
കാരണം, ഇന്ന് ഫിലിം ടെക്നോളജി ഒരുപാട് മുന്നേറിയിട്ടുണ്ട്. വിഷ്വവൽസിന്റെ ക്വാളിറ്റി കൂട്ടുന്ന കാര്യത്തിൽ ക്യാമറനിർമാണ കമ്പനികൾ മത്സരിക്കുകയാണ്, സാധാരണ നമ്മൾ ഉപയോഗിക്കുന്നത് 720p, 1080p തുടങ്ങിയ റെസല്യൂഷൻസ് ആണെങ്കിൽ 2K, 4K, 8K എന്നിങ്ങനെയെല്ലാം ആ ചാർട്ട് മുന്നോട്ട് കുതിച്ചുകൊണ്ടിരിക്കുകയാണ്.
ഇനി വീഡിയോ ഫോർമാറ്റിന്റെയും അതിന്റെ CODECS ന്റെയും കാര്യമെടുത്താലോ..?
അതും അതുപോലെതന്നെ തന്നെ. ഇതിനോടെല്ലാം അനുബന്ധിച്ച് വീഡിയോ ഫയലിന്റെ സൈസുകളിലും അനുദിനം മാറ്റങ്ങൾ വന്നുകൊണ്ടിരിക്കുന്നു. 

ഇന്നത്തെ കാലത്ത് വീഡിയോ എഡിറ്റിംഗിന്
നൂതനവും,
വേഗതയേറിയതും,
സമകാലിക വീഡിയോ ഫോർമാറ്റുകൾ സപ്പോർട്ട് ചെയ്യുന്നതുമായ,
സ്റ്റോറേജ് കപ്പാസിറ്റിയുള്ള ഒരു കമ്പ്യൂട്ടർ നിങ്ങൾ ഉപയോഗിച്ചില്ല എങ്കിൽ വീഡിയോ എഡിറ്റിംഗ് ഫീൽഡിൽ നിന്നും നിങ്ങളെ മറ്റുള്ളവർ പിന്തള്ളുമെന്നുള്ളത് സ്വാഭാവികമായ കാര്യമാണ്.

ഞാൻ ഉപയോഗിക്കുന്നത് APPLE ബ്രാൻഡിന്റെ IMAC PC യാണ്. ഇന്ന് വിപണിയിലുള്ള ഏതൊരു കമ്പനിയുടെയും കംപ്യുട്ടർ നിങ്ങൾക്ക് തിരഞ്ഞെടുക്കാം, എന്നാൽ വലിയ ഫയലുകളെ സൂക്ഷിക്കാനും അവയെ മാനേജ് ചെയ്യാനും ആവശ്യമായ വേഗതയായിരിക്കണം നിങ്ങൾ ലക്ഷ്യമിടേണ്ടത്. അത് നിങ്ങളുടെ എഡിറ്റിംഗിൽ കൂടുതൽ ശ്രദ്ധ കേന്ദ്രീകരിക്കാനും സാധാരണയിൽ കവിഞ്ഞ ക്രിയേറ്റീവ് തലങ്ങളിലേക്ക് നിങ്ങളുടെ വർക്കിനെ എത്തിക്കാനും സഹായിക്കും..!
അതുപോലെ തന്നെ കംപ്യുട്ടറിൽ SSD ഹാർഡ്ഡ്രൈവുകൾ ഉപയോഗിക്കുന്നത്
നിങ്ങളുടെ ഫയലുകളും സോഫ്ട്‍വെയറുകളും വേഗത്തിൽ ആക്സസ് ചെയ്യാനും നിങ്ങളുടെ എഡിറ്റിംഗ്, ലോഡിങ്, റെൻഡറിങ്, എക്സ്‌പോർട്ടിങ് എന്നീ പ്രോസസുളുടെ സമയം വേഗത്തിലാക്കാനും സഹായിക്കും.

മാത്രമല്ല, ഫയലുകൾ ക്രമീകരിച്ച് ഫോൾഡറുകളാക്കി അടുക്കും ചിട്ടയോടും കൂടി കംപ്യുട്ടർ ഉപയോഗിക്കുന്നത് അതിന്റെ ആയുസ്സിനെ കൂട്ടുമെന്നതിൽ തർക്കമില്ല..!

....

"ഏതാണ് നല്ല കംപ്യുട്ടർ..?" മിക്ക ആളുകളും ചോദിക്കുന്ന ചോദ്യമാണ്..!
അതിനെക്കുറിച്ച് ഞാൻ മനസ്സിലാകുന്നത് IMAC, IMAC PRO, MAC PRO പോലുള്ള APPLE SYSTEMS ആണെന്നാണ്.

ഞാൻ കണ്ട എഡിറ്റേഴ്സിൽ കൂടുതൽ പേരും അസംബ്ലി ചെയ്ത സിസ്റ്റംസ് ഉപയോഗിക്കുന്നവരാണ്. എന്റെ കൈവശമുള്ള IMAC നേക്കാൾ കൂടുതൽ കോൺഫിഗറേഷൻ ഉള്ള അസംബ്ലി ചെയ്ത കംപ്യുട്ടർ ഞാൻ ഉപയോഗിച്ചിട്ടുണ്ട്.
എന്നാൽ അസംബ്ലി ചെയ്ത സിസ്റ്റംസിന്റെ വർക്കിങ് കപ്പാസിറ്റി കാലക്രമേണ കുറയുന്നതായും, IMAC ന് യാതൊരു മാറ്റവും ഇല്ലാതെ നിലനിൽക്കുന്നതായും ഞാൻ മനസ്സിലാക്കിയിട്ടുണ്ട്.
കൂടാതെ IMAC വാങ്ങാൻ ഉദ്ദേശിച്ചപ്പോൾ അതിന്റെ കോൺഫിഗറേഷൻസ് വളരെ കുറവാണെന്നും, അത് വാങ്ങുന്ന വിലക്ക് അതിനേക്കാൾ കൂടുതൽ കോൺഫിഗറേഷൻ ഉള്ള ഒരു കംപ്യുട്ടർ അസംബ്ലി ചെയ്തെടുക്കാമല്ലോ എന്നും ഞാൻ ചിന്തിച്ചിരുന്നു.. എന്നാൽ അതെല്ലാം എന്റെ അബദ്ധധാരണയായിരുന്നുവെന്ന് പിന്നീട് ഞാൻ തിരിച്ചറിഞ്ഞതാണ്. 

മാത്രമല്ല IMAC ന്റെ RETINA DISPLAY ക്വാളിറ്റി മറ്റൊരു മോണിറ്ററിനും നൽകാൻ കഴിയാത്തതാണെന്നുള്ളതും,
APPLE PRO RESS എന്ന വീഡിയോ CODECS ന്റെ
ഗുണനിലവാരം മറ്റേതു ഫോർമാറ്റുകളെയും അപേക്ഷിച്ച് പകരം വെക്കാനില്ലാത്തതാണെന്നുള്ളതും,
കംപ്ലെയിന്റുകളെക്കുറിച്ചും മെയ്‌ന്റൻസ്കളെക്കുറിച്ചും ശ്രദ്ധിക്കേണ്ടതില്ല എന്നുളളതും,
പ്രധാന സവിശേഷതകളായി ഞാൻ വിലയിരുത്തുന്നവയാണ്.
അതിനാൽ എന്നോട് ചോദിക്കുന്നവർക്ക് ഞാൻ സജസ്റ്റ് ചെയ്യാറുള്ളത് IMAC PC കളാണ്.

( NB : ഈ പോസ്റ്റിൽ APPLE ബ്രാന്റിനെ പുകഴ്തുന്നതോ മറ്റുള്ള ബ്രാൻഡുകളെ ഇകഴ്ത്തുന്നതോ ആയി കരുതേണ്ടതില്ല. നല്ലതിനെ നല്ലതെന്ന് പറയുന്നത് സ്വാഭാവികം മാത്രമായി കാണുക. )

- അൻസാർ മജീദ്.

https://www.instagram.com/ansarmajeed.in
https://www.facebook.com/ansarmajeed.in

#VIDEOEDITINGTIPSANDTRICKS BY #ANSARMAJEED #CHIEF #VIDEO#VISUAL #EDITING #EDITOR OF #WEVAPHOTOGRAPHY #KOCHI#DONTSTOPLEARNING